«Инвис кинопоттонни» гужем выль, 3-тӥез удмурт фильм бордын ужаны кутскоз. Та нуналъёсы кинолэн сценариез кылдытиське. Со сярысь ивортиз милемлы кинопоттоннилэн продюсерез Петер Палган. Али со та вакытэ Польшаын ужа но улэ. Тулыс толэзьёсы Удмуртиысь кино лэсьтисьёсын но актёръёс пумиськыны чакла. Александр Бикузин тунсыкъяськиз — кытын, кызьы но мар сярысь луоз куинетиез удмурт фильм.