Туэ гудырикошкон толэзе нош егит режиссёръёс, актёръёс но операторъёс нимысьтыз дышетсконъёсы ветлозы. Кино поттон удысэн тодматскон, мастер-классъёс радъяськозы Эстониын. Тодады вайытом, «Инвис кинопоттоннилэн» ужъёсыз шаерын паськыт вӧлмӥзы «Узы-Боры» фильм лэсьтэмзы бере. Бӧрысь кылдӥз кыкетӥ кино — «Пузкар». Ӵапак та фильмъёс бордын ужам-тыршем егитъёс но Эстониын ортчоно дышетсконъёсы пыриськозы.