Шуркынмон толэзёзь соос бырйыны кулэ улон юртсэс тупатъян понна уксё люкан амалэз. Яке соос улос операторлы оскозы, яке корказылы нимысьтыз счёт усьтозы. Ижкарысь юридической но экономика юрттэт сётонъя центрлэн кивалтӥсез Александр Евсеев валэктэмъя, та уж огшоры гинэ ӧвӧл. Созэ яке тазэ амалэз быръемзы азьын корка кузёослы ваньзэ чаклано, лыдъяно-чотано, шуэ юрист Александр Евсеев.