Экономика югдурез радъянын, азинскыны амалъёсты шедьтыны юрттоз гурт удысын лыдъян-гожъян ужрад. Перепись ортчоз вуоно арын пӧсьтолэзе-гудырикошконэ. Удмуртиын солы дасяськон мынэ ни. Росстатлэн нимлыко сайтаз та ужпумъя нимысьтыз бам усьтэмын. Дасяськонъя котькуд вамышъёс, быдэстоно ужъёс отчы пусйисько. Статистикая ужез нуисьёслэн туннэ валтӥсь ужпумзы, калыклы валэктыны сельхозпереписьлэсь кулэлыксэ. Алнаш ёросын таӵе уж мынэ ни. Отысь статистикая ёзэтлэн кивалтӥсез Татьяна Мусихина верамъя, калык пӧртэм сямен пумита таӵе ужрадъёсты. Озьы-а, тазьы-а, но кунамы улон герӟаськемын котькуд адямиен, солэн туннэ азинлыкеныз но быгатонлыкеныз — шуэ ӧнерчи.