Шаерамы солэн нимыз ӟеч тодмо пӧртэм ужрадъёсты, концертъёсты нуэмезъя. Сцена вылэ Алексей вуиз Удмурт кун университетысь журналистика факультетын дышетскыкуз. Учкисьёс соку ик дунъязы куараезлэсь узырлыксэ. Москваын но пияш куараеныз коньдон поттэ — кунгож сьӧр кинофильмъёсысь геройёсты ӟуч сямен вераськытэ. Шоркарын ик удмурт кылыз бордын но ужаны мылкыдыз пуромиз. Татын солы юртто удмурт эшъёсыз. Анай кылзэ тодон котькуд адямилы азинлыко луыны но пыд вылаз юн сылыны юрттэ, оске Алексей Бегешев.