Туэ сое асьсэ дорын радъяны мылкыд каризы та ӧръя ужась финн суредасьёс. Фестивале пыриськозы финн-угор кунъёсысь, Россиысь финн-угор улосъёсысь художникъёс. Отысь бадӟым люкетэз — Удмуртиысь. Туэ асьме этнофутуристъёс борды итӥськыны мылкыд каремзэс веразы на Татарстанысь, Башкортостанысь суредасьёс но. Со симпозиумлы выль шӧм пыӵатоз, шуо ӧнерчиос. Фестиваль 10 нунал кыстӥськоз. Одӥг нуналэз «Удмуртия» издательствоен тодматсконлы сӥземын луоз. Вера ӵектослэн одӥгез кичӧлтӥсез Юрий Лобанов.
