Та дырозь, нырысетӥзэ шӧмаськыса ӝегатэм муртъёслы, 30 сюрс манет штраф тырытылӥзы но ар но ӝынылы правозэс басьтылӥзы. Табере кыл кутытон эшшо чурытатэмын. Озьы, матысь дыре ини, кык арлы пытсэт сьӧры шедьыны быгатоз Кияса ёросысь 20 аресъем воргорон. Кылем ар пумысен сое ГИББД—ын ужасьёс кӧня ке пол ӝегатылӥзы ини, одӥг полаз но правоез вылымтэ. Кат ужа ини, солэсь кужымзэ улосчиосмы пумен валаны кутскозы, шуэ элькунысь следствиосъя управлениысь Сарапул ёросъя ёзэныз кивалтӥсь Сергей Камашев.