Озьы лыдъяло куд-ог кивалтӥсьёс. Туала вакытэ я укыр кӧс, я укыр кот гужемлы ӝожтӥськыны возьыт луыны кулэ, шуэ Удмуртилэн Кун кенешысьтыз депутат, агропром огъетъя ялан ужась комиссилэн ёзчиез Владимир Красильников. Пӧртэм технологиос юрттыны быгато куазен ваёно ыштонъёслэсь утиськыны. Со амалъёсты уже гинэ кутыны кулэ. Соин соглаш кариське та комиссиысь ик мукетыз депутат, Пичи Пурга ёросысь «Надежда» гурт возёслэн тӧроез Бронислав Ясонов. Зоро куазез тышкаськыны гинэ уг луы, со, кылсярысь, туж тупамон луэ бер вуись кубисталы. Нош музъемез укыр кот луэмлэсь утьыны юрттэ дренаж, вера Бронислав Ясонов.