Кун Кенешлэн солы сӥзем азьвыл чакламтэ сессиез ортчоз драмая ӟуч театрлэн юртаз. Тодады вайытом, 14-тӥ куарусёнэ ортчем быръёнъёсын Александр Соловьёв понна шаерысьтымы ог 85 процентэз бырйисьёс куаразэс сётӥзы. Ужоскетаз пырон сӥё-дано ужрад сое та уже нимлыко юнматон выллем луэ. Калыкын та ужрадэз «инаугурация» шуыса но нимало. Но асьме катъёсы та кыл пыртэмын ӧвӧл, шуэ Удмуртилэн Тӧроезлэн но Кивалтэтлэн Администрациысьтызы протоколъя ёзлэн кивалтӥсез Юрий Перевозчиков.