16-тӥысен 18-тӥ коньывуонозь Удмуртиысь лулчеберетъя но туризмъя министерство Россиысь туриндустрилэн Кенешезлэн улосвыл ёзэтэныз ӵош «Удмуртия туристическая» нимам тодматскон тур ортчытоз. Ижкаре Россиысь турбизнеслэн но иворъёсты вӧлмытӥсь ёзэсъёслэн ыстэм муртъёссы вуозы. 1990-тӥ аръёсозь Удмуртия туристъёс понна ворсамын вал. Соин ик элькунмес тодӥсьёс али но трос ӧвӧл. Ужрадэ люкаськемъёсты шаермылэн туризмъя ӵектосъёсыныз, куноослэсь шутэтскон дырзэс радъян луонлыкъёсыныз тодматозы. Вера Удмуртиысь лулчеберетъя но туризмъя министр Владимир Соловьёв.