Та сярысь указэз гожтӥз Россилэн Президентэз Владимир Путин. Пуктэтын верамын, Виктор Ганьковлы данъет сётэмын агропром огъетэз азинтонын трос аръёс ӵоже ужамез понна. Элькун Тӧро Александр Соловьёв солы ӟечкылан телеграмма ыстӥз но выль вормонъёс сӥзиз. «Та данъян — нырысь ик гурт калыкмылы. Котькуд азинскон, пичи яке бадӟым вормон — со ужасьёслэн киосынызы лэсьтӥське» — вера «Решительный» гурт возёслэн кивалтӥсез Виктор Ганьков.