Уждун, кредит картаосысьтызы уксёзы ышем пумысен вазиськонъёс полицие нуналлы быдэ сямен вуо. Уголовной ужъёс ӝутӥсько, но ӵем дыръя сыӵе учыръёсты сэрттыны—пертчыны секыт луэ, коньдонэз берыктон но капчиен уг сётӥськы. Вавож ёросын туэ сыӵе 6 уголовной ужъёс ӝутэмын ини, али соосты эскерон Ижкарын азьланьтӥське, шуэ полицилэн Вавож ёросъя ёзэсысьтыз участковой Алексей Данышев. Утӥськыны луоно, шуо ӧнерчиос. Пӧртэм смс-ивортонъёслы, озьы ик тодмотэм жингыртӥсьёсын герӟаськылоно ӧвӧл.
