Туннэ Алнаш ёросын быдэ вуымтэосты йыружъёслэсь, шудтэм учыръёслэсь утёнлы сӥзем бадӟым кенешон ортчоз. Со радъяськоз Кузёбай муниципал кылдытэтын. Вераны кулэ, ёросын матысь 5 аръёслы подпрограмма юнматэмын, профилактика ужрадъёсты нуонъя. Со улсын котькуд муниципал кылдытэт аслэсьтыз амалъёссэ ӵектэ но улонэ пыӵатэ. Кенешонын ӵапак соосты эскерозы-дунъялозы. Вера Алнаш ёросысь быдэ вуымтэосын ужанъя комиссилэн секретарез Людмила Лермонтова.