Нош песянаез — соос ӵошен губияны ветлӥзы — эмъяськонниын на. Таӵе учыр берло дас арзэ басьтоно ке — нырысьсэ пусъемын, — ивортӥзы тазалыкез утёнъя министерствоын. Соин ӵош, министерствоын пусйизы на — шугмон яке улонысь кошкон учыръёс куткулон яке со выллем губиосын гинэ герӟаськемын уг луо. Губи бичаку — чакласьконо — али гинэ потэмъёссэ октоно. Нош шугмиды ке, соку ик эмчиос доры вазиськоно. Соин ӵош врачъёс пусъё на — 10 ареслэсь пичи пиналъёсты губиен сюдонлэсь возиськоно.
Губи бичаку быръёно бадӟым сюресъёслэсь, каръёслэсь палэнысь интыосты. Нош губиез толалтэлы дасяны малпаськоды ке, уже кутэлэ оскымон амалъёсты. Ӵектон-дэмланъёсын — Алнашысь эмъясь-инфекционист Екатерина Резунова.