Алнаш ёросысь музъем ужасьёс туэ бусьтыр ваньбур поттӥзы — ю-тысь гектарысьтыз шорлыдын 23 центнерлэсь ятырен люкаськиз. Азьмынӥсь хозяйствоосын та лыдпус 30 центнерлэсь уно луиз. Ёрос администрациысь гурт удысъя управленилэн кивалтӥсез Владимир Медведев верамъя, умой урожай басьтыны быгатӥзы ужез ӟеч радъяса. Азьвыл аръёсы кадь урод югдур медам кылды шуыса, бадӟым саклык висъяськиз техника, вылӥ ӟечлыко кидысъёс но минерал ватсэтъёс дасянлы.