Финалэ 4 каръёсысь 22 ёросъёсысь усточиос пыриськозы. Котькудзы соос анай кылзэс тодэм—гажамзэс возьматозы, валтӥсь инты понна нюръяськон но ӟырдыт луыны кулэ, оскыто ужрадэз дасясьёс. Уго, арлы быдэ фестивальлэн данэз будэ, отчы пыриськыны мылкыд карисьёс но йыло. Удмуртлыкез утён но сое калыке вӧлмытон уж ӟеч радъямын бускель улосысь Татарстанын но. Агрыз ёросысь Варклед—Бӧдья гуртын вашкала сям—йылолъёсты утён ӟеч утиське на. Пиналъёс но со ужрадъёсы мыло—кыдо пырисько. 10—ти — 11—тӥ классъёсын дышетскись Алина Михайлова но Регина Трофимова азьпал улонзэс ӵапак удмуртлыкез калыке вӧлмытонэн герӟаны малпало.