Со бырыны шедиз вордӥськонэ, 14-тӥ толсуре. Шуэрес учыр луиз Пермьлэсь 30 иськемын федерал сюрес вылын — ивортэмын куасэн ӵошатсконъя Федерацилэн сайтаз. Спортсменъёс Чусовойын ортчем Дунне Кубоклэн этапысьтыз берто вал. «ГАЗельзы» йӧвалег сэрен пумит лыктӥсь секыт автомобилен мырӟиськиз. Эдуард Михайлов кема аръёс ӵоже ужаз Удмуртилэсь огазеям командазэ дасян ужын. Берло 5 аръёс ӵоже тыршиз Россиысь куасэн бызьылӥсьёсты дышетон бордын. Ачиз спортъя мастер, Удмуртиысь сӥё—дано тренер, физкультура удысысь дано ужась Эдуард Михайлов спортъя куинь мастеръёсты будэтӥз, вормонъёсыз эшшо но трос луыны быгатысалзы на, шуэ куасэн бызьылонъя спортъя мастер, дышетэм пиналыз Евгений Иванов.