Сое вуоно арын, нырысь-валысь чакланъёсъя, Ува ёросын усьтыны чакламын. Журналистъёсын пумиськылыкуз со сярысь ивортӥз элькун кивалтэтлэн тӧроезлэн воштӥсез Андрей Сивцов. Шимучыръёслэсь утиськонъя министерстволэсь кулэяськонъёссэ быдэсъям сяна, со нюлэс возёсъя, инкуазь узырлыкъя министерствоос, мувӧй поттӥсьёс вылэ но ужалоз. Беспилотной авиацияя Центрын пилоттэк лобась аппаратъёсты поттэм сяна, луоз аэродром, эскеронъёс нуыны полигон, сертификацияя центр, озьы ик кунокуаен дышетонъя центр. Беспилотникъёсын ужан понна куинь толэзь дышетскыны кулэ. Али ужкагазъёсты дасяло, соосты Россиысь МЧСэ келялозы. Ӵектонъёсты умоен лыдъязы ке, соку ини коньдонэз лыдъяны кутскомы. 2016-тӥ арын уксёез уже кутыны кулэ ни вылэм, пусйиз Андрей Сивцов.
Пресс-конференциын ӝутэм мукет ужпумъёс сярысь Майя Бывальцевалэн ивортоназ.