30 пала адямилы грипп диагноз пуктэмын ни. Лек вирус инфекциен эмъяськонние вазиськисьёс туэ 4 поллы тросгес пусъемын Эгра ёросын но. Озьы ке но, эпидеми гож ортчемын ӧвӧл, грипп шараямтэ на, ивортӥз Эгра ёрос эмъяськонниысь валтӥсь эмчи Надежда Поздеева. Югдурез огсыр возьыны юрттэ сӥзьыл ортчытэм вакцинация. Ёросын 12 сюрс пала адямилы грипплэсь прививка пуктэмын. Со пӧлын покчи пиналъёс но школае ветлӥсьёс, 60 арессэ ортчем арлыдоос, призывникъёс, секытэн кышномуртъёс но трос калык пӧлын ужасьёс: эмчиос, дышетӥсьёс, вузкарон но мерлыко транспорт удысъёсын ужасьёс. Азьланьтэ Надежда Поздеева.