Кызьы тодмо, Москваысь продюсеръёслэн мылкыд каремзыя, «Бурановские бабушки» ансамбле чылкак выль адямиос пыртэмын. «Евровидение» конкурсэ пыриськем песянайёс ужлэсь палэнтэмын, нош выль артистъёс соослэн куараосынызы гожтэм фонограммаос улсын сцена вылэ потало. Ёрос администраци та югдурын зэмос «Брангурт песянайёслэсь» данзэс но эрикрадъёссэс утёно шуыса лыдъя. Али ужкагазъёсты эскерыны кутскиськом, шуэ ёрослэн тӧроез Александр Ерохин. Песянайёс, угось, меӵак Москваен ужазы, соин ик ёрослэн кивалтӥсьёсыз соосын гожтэм огкылъёслэсь унозэ куронъёссэс уг тодо.