Сое дасян бордын Михаил Атаманов протодиакон но Финляндиысь Библиез берыктонъя институтын ужась Марья Картано тыршо. Канонической луисьтэм Библия — со даслэсь ятыр вашкала книгаос, кудъёсыз асьме вапумлэсь азьвыл ньыль даур куспын гожтэмын но Библие ӧз пыре. Михаил Атаманов соосты удмурт кылэ далайгес берыктӥз ни. Та нуналъёсы Ижкаре лыктыса, тупатъян-эскерон ужъёсын выре Марья Картано.