Шаерамы азьланьтӥсько анай кыллэн калыккуспо нуналэзлы сӥзем ужрадъёс. Кылъёсъя фестиваль ортчоз Ижкарын 12-тӥ южтолэзе. Нунал ӵоже вань мылкыд карисьёс дуннеысь пӧртэм кылъёсын тодматӥсь лекциосты кылзыны быгатозы. Пӧртэм кылъёсын тодматӥсь таӵе фестивальёс ог 20 ар ӵоже ини ортчыло пӧртэм кунъёсын. Кичӧлтон сётӥзы эсперанто кылын вырисьёс (тодады вайытом, эсперанто — пӧртэм кунъёсын улӥсьёсты герӟан вылысь нимысьтыз малпам кыл). Шаерамы фестиваль нырысьсэ ортчиз 2012-тӥ арын. Вера сое радъясьёс пӧлысь одӥгез, «Удмуртлык» интернет-огинлыклэсь проектъёссэ улонэ пыӵатон понна кылкутӥсь Алексей Шкляев.
