Ужкагаз 2015-тӥ - 2017-тӥ аръёсы быдэсъяськыны кулэ. Соин етӥн будэтон но утялтон техникаез воштыны, заводъёслэсь тӥрлыксэс выльдыны чакламын. Кун ласянь юрттэтэз будэтыса, гуртоослэн етӥнэн вырыны мылкыдзы ӝутӥськоз, лыдъяло министерствоын. Туннэ шаермы етӥн будэтӥсь 3 азьмынӥсь Росси улосъёс пӧлы пыре. Но етӥнлэсь дась продукци поттыны Удмуртиысь гуртоос уг быгато на. Матысь аръёсы та югдурез воштыны ужпум пуктӥське. Элькунысь гурт возёсъя министрлэн воштӥсезлэн Аркадий Малковлэн верамезъя, таиз ар етӥн огъетмы понна алама ӧй вал.