Вераськон мынӥз Красноярск шаерын улӥсь финн-угор калыкъёслэсь сям-йылолъёссэс, культуразэс но анай кылзэс утён но азинтон ужпумъёс сярысь. Отчы пыриськизы улослэн губернаторез, солэн администрациысьтыз оскем адямиос, кивалтэтысь но озьы ик мерлыко огазеяськонъёслэн ёзчиоссы. Удмуртиысь ужрадэ мынэмын «Удмурт кенеш» огазеяськонлэн азьвыл тӧроез Игорь Семёнов но «Мынам Удмуртие» телерадиокомпанилэн валтӥсь редакторезлэн воштӥсез Сергей Касаткин. Красноярск шаерын 2 сюрс пала удмуртъёс уло.
