Кылем ар Москваын быдэсак Удмуртилы сӥземын вал. Со улсын Кун Думаын но Федераци Кенешын Элькунмылэн нуналъёсыз ортчизы. Кызьы вера Элькун Тӧролэн Росси Азьмурт бордын ужась представительствоезлэн тӧроез Светлана Смирнова, та ужлэн пайдалыкез туннэ шӧдӥське ини. Выль луонлыкъёсты усьтозы мерлыко палатаын радъяськись нуналъёс но. Но ваньзэ соосты улонэ пыӵатон понна, уно тыршоно на, шуэ Светлана Смирнова.