Шуныт нуналъёс вуэмен, котькуд адямилы тылпу потон ласянь туж чакласькыны но сак луыны кулэ. Та вакытэ калык тол ӵоже люкаськем жуг-жагез утялтэ. Нош бакчосысьтыз но юртъер котырысьтыз турын куарез, силё-пуэз сутыны тырше. Ӵапак со бадӟым кышкытлык кылдытэ. Гуртъёсын тылпулэсь утиськон понна кылкуто интыысь кивалтӥсьёс. Кылем-мылемъёсты сутыны яра, но юнматэм куронъёсъя гинэ. Соосты тодэ вайытэ Алнаш муниципал кылдытэтлэн тӧроез Сергей Юрин.