Туннэ Санкт-Петербургысь йӧскалыкъёслэн юртсы но «Удмурт кенеш» огазеяськон валче ужан сярысь огкыллэсь инъетсэ юнматӥзы. Пусйыны кулэ, Удмуртиысь делегация таӵе ужрадэз ортчытӥз Финляндие мынон куспаз. Ӵуказе Финляндиысь Лахти карын финн-угор калыкъёслэн 7-тӥез дунне конгрессы усьтӥськоз. Озьы ик асьме делегация пумиськылӥз Санкт-Петербургысь но Ленинград улосысь удмуртъёслэн огазеяськонзылэн ёзчиосыныз. Та сярысь ивортӥз «Мынам Удмуртие» телерадиокомпанимылэн валтӥсь редакторезлэн воштӥсез Сергей Касаткин.