Тодады вайытом, туэ та йӧскалык шулдыръяськон ортчоз Кильмезь шур дурын, Сюмси ёросысь Пӧбья гурт вӧзын. Сюмсиос быдэс семьяосын куноосты возмало. Татын куно пумитан йылолъя пичияк спектакль возьматозы. Пиналъёс понна пӧртэм азбаръёс ужалозы, егитъёслы позыръяськон луоз. Кырӟаны- эктыны мыло-кыдоослы нимаза-нимаз площадкаос чакламын. Задор концерт возьматозы «Айкай, Италмас», «Эктон корка», «Розовый слон» коллективъёс. Гербере Ижкарысь автобус ветлоз. Вера Герберлэн режиссёрез, эшъяськонъя элькун юртысь ӧнерчи Дмитрий Корепанов.