Удмуртиысь механизатор Вадим Зарецких нош ик вормиз гыронъя Россилэн чемпионатаз. Туэ кунысьтымы гырисьёс ӵошатскизы Тюмень улосын. Кылем арын сямен ик, кунысь устоез механизатор луиз Вавожысь Вадим Зарецких. Со гыронъя нырысетӥез кык полэс чемпион. Вавож ёросысь механизаторлы кузьым «УАЗ патриот» машина кузьмазы. Со сяна, Вадим Зарецких Россилэсь данзэ нош ик утёз Европалэн но дуннелэн чемпионатъёсаз. Тюменьын ортчем чемпионатэ Россиысь 30 пала улосъёсысь механизаторъёс пыриськизы. Озьы ик Европаысь кӧня ке гырисьёс вал.