Туэ калык «Эрмитаж» садын шулдыръяськоз. Кутсконэз 12 часын, нош ужрадэз сиё-дано усьтон 15 часлы чакламын. Со сярысь ивортэ элькунысь калыкъёслэн эшъяськон юртсылэн пресс-службаез. Москваын улӥсьёс но шоркарлэн куноосыз быдэс нунал ӵоже вашкала удмурт йылолъёсын тодматскыны быгатозы. Озьы ик ортчозы Удмурт шаерысь турмаршрутъёсын, санаторийёсын тодматонъёс, ужалозы интерактив площадкаос — «Удмурт Тол Бабайлэн Резиденциез», «Пельняньлэн калыккуспо нуналэз» но мукет. Ужрад Удмуртия сярысь тросгес ивортон сётыны, мер но экономика, этнополитика ласянь ним-данзэ ӝутыны юрттоз. Вера Герберлэн режиссерез, эшъяськонъя элькун юртысь ӧнерчи Дмитрий Корепанов.