Тодады вайытом, 18-тӥ куарусёнэ Россиын быръёнъёс ортчозы. Россиысь Кун Думае депутатъёсты быръем сяна, шаерамы ас коже кивалтон ёзъёсы но куара сётон ортчоз. Быръёнъёсы пыриськыны быгатэ кунамы улӥсь котькуд быдэ вуэм адями. Со понна 18-тӥ куарусёнэ улон интыысь быръёнъёсъя участоке мыноно. Нош пусъем нуналэ ужрадэ пыриськыны луонлык ӧвӧл ке, куара сётыны луэ открепительной удостоверениея. Сое али басьтыны луэ участковой комиссиосысь. Соос та нуналъёсы куара сётон нуналлы дасясько ни. Улосчиосмес лыктыны куро — чакланы, списокъёсы шедемын-а, нимтулъёсын янгышъёс ӧвӧл-а — вера Алнаш ёросысь Байтэрекысь участковой ӧрилэн тӧроез Алевтина Тарасова.