Солы дасяськон улсын, Камбаркаын но пӧртэм ужрадъёс луозы. Матысь дыре, ёросысь пӧртэм выжыосысь потэм калык огазеяськонъёсын пумиськон ортчытозы. Удмуртъёсын азинлыко ужа «Удмурт кенешлэн» ёросысь ёзэслэн кивалтӥсез — шуэ Камбарка ёросысь йӧскалык ужпумъёсъя ёзэсысь методист Светлана Самарина.
Камабарка ёросын 700—лэсь ятыр удмуртъёс уло. Ваньзы сямен соос пырисько ёросысь удмуртлыкез азинтонъя ужрадъёсы. Пусйымон уж мынэ ёросысь Армезь гуртын. Вань музейзы, «Сяськабей» нимо фольклор коллективзы. Ужамзэс адӟыны, тодматскыны пӧртэм дышетсконниосысь куноос вуыло. Соослы возьмато вашкалаосмылэсь сям—йылолъёссэс, куноос асьсэос но мылысь—кыдысь пырисько адӟемзэс уж вылын возьматыны. Вера Светлана Самарина.