Туннэ Кун Кенешлэн Президиумезлэн ёзчиосыз удмурт кылын книга но газет-журналъёсты поттонэз азинтон ужпумъёс сярысь вераськизы. Кызьы вераз Элькунысь печатья но массовой коммуникациосъя агентстволэн кивалтӥсез Алексей Воронцов, 2002-тӥ арысен удмурт кылын вераськисьёслэн лыдзы 30 процентлы кулэсмиз. Солэн одӥгез мугез — удмурт книгаослэн тырмымтэзы. Вуоно арлы элькун коньдэтлэн ӵектосаз та ужпумъёслы 5 миллион манет чакламын. Берло аръёсы сярысь со трос, но кулэезлэсь шӧдскымон ичигес. Кун Кенешлэн Президиумезлэн ёзчиосыз уксёлэсь быдӟалазэ будэтыны куронэн потыны кенешизы. Со сяна, книга поттонъя нимысьтыз программа дасяны ӵектӥзы. Вера Кун Кенешлэн тӧроез Владимир Невоструев.