Тодмо удмурт гожъяськись, литератураез эскерись тодосчи, кылосбур тодосъя доктор Василий Ванюшев понна ортчись ар нимысьтыз висъяськиз. Со котырес арессэ пусъён улсын ортчиз. Ар кутсконын, тулыспалэ, тодосчи 80-зэ тырмытӥз. Юбилеез азьын «Яратӥсько адямиез яратыны» выль кылбур бичетэз потӥз. Шуркынмонэ Ижкарын Урал но Волга котырын улӥсь калыкъёслэн литератураоссылэн герӟетъёссылы, огкадьзэс но пӧртэмзэс возьматӥсь эскеронъёслы сӥзем бадӟым научно-практической конференци ортчиз. Та ужпумъёслы тодосчи Василий Ванюшев бадӟым саклык висъяз аслаз ужъёсаз. Тросэз соос пӧлысь алигес потэм выль бичетаз пыризы. Пӧртэм аръёсы кылдэм ужъёссэ огазеясь книгаез сярысь вера авторез — гожъяськись, кылосбур тодосъя доктор Василий Ванюшев.