Соин ик мукет кунъёсын поттэм гурт техника басьтыны бюджетысь субсидия уг висъяськы. Удмуртиын гырон-кизён агрегатъёс поттӥсь кӧня ке предприятиос вань. Матысь дыре Ижкарын интегральной тракторъёс бичаны кутскозы. Импортозамещение удысын со бадӟым вамыш луоз. Озьы ке но, гурт возёсын техника шуген выльдӥське на. Туннэ шаермыя 6 сюрс тракторъёс ке, ӝынызэ воштыны кулэ, шуэ министерствоысь инженерно-технической политикая ёзэслэн кивалтӥсез Николай Метелёв.