Ӵошатсконъёсы Красногорск, Глазов, Кияса, Вотка, Эгра но мукет ёросъёсысь спортсменъёс вуылӥзы. Туэ нырысьсэ ужрадэз дунъяны вуылӥз Росси ӵошатсконъёсъя судья Сергей Талов. Вылӥ дунъет сётӥз ёросын спортлэн пӧртэм амалъёсызлэн азинскемезлы. Али та амалэн шудӥсьёс пиналъёс пӧлын но йыло, матысь дыре эшшо но бадӟым ӵошатсконъёсты радъяны малпаськом, шуэ Кизнерысь «Юность» спортъя дворецлэн кивалтӥсез Галина Суворова.