Росси Президент данъетъёс сярысь пуктэт юнматӥз. Пусъемъёс пӧлын — Элькунысь улосчимы но. Палэп возёсысь валтӥсь зоотехник Елена Евсеева гурт удысэз азинтон ужын вормонъёсыз понна «За заслуги перед Отечеством» орденлэн 2-тӥ степенё медаленыз данъямын.
Элькун Тӧролэсь ужзэ быдэсъясь Алнашысь ӧнерчилы ӟечкылан телеграмма ыстӥз, трос аръёс ӵоже тыршемезлы тау каронзэ вераз но ужаз азинсконъёс но выль вормонъёс сӥзиз.
Корреспондентмы Александр Бикузин Кун наградаен пусъемез сярысь юалляськон вылысь герӟаськиз валтӥсь зоотехникен. Елена Евсеева котьку сямен вал уж дураз но ӟеч иворлы туж паймиз.