Кунгож сьӧрысь лыктэмъёс понна соос 14-тӥ арзэ ини радъясько. Университетын дышетскем сяна, кылэз дышетӥсьёс удмурт гуртъёсы потало, удмурт калыклэн лулчеберетэныз тодматско. Туэ курсъёсын 8 адями дышетскиз. Куд-огез соос нырысьсэ лыктэмын ӧвӧл ни. Азьланяз но Удмуртие вуылыны чаклало на, шуэ курсъёсты радъясь, Удмурт кун университетысь дышетӥсь Дмитрий Ефремов.
