Депутатъёс Элькун парламентлы кивалтӥсь бырйыны кулэ. Тодады вайытом, сессилэн нырысетӥ кенешонэз ортчиз 18-тӥ куарусёнэ. Соку Элькунлэн выль быръем Тӧроез Александр Бречалов ужоскетаз пыриз. Али Кун Кенешлэн фракциосаз уж мынэ. Азьвыл ӧтчамын сямен ик, таязын ужалозы Единая Россия, КПРФ, ЛДПР но Справедливая Россия фракциос. Та ик партиос пыремын Россиысь Кун Думае. Мукет политической партиос бырйисьёслэсь 5 процентсэ куараоссэс люканы ӧз быгатэ.
Политтехнологлэн Леонид Гонинлэн малпамезъя, соос кулэ ужпумъёсты ӝуто, но ӵемысь уг быгато калыкез бордаз кыскыны быгатӥсь азьветлӥсь шедьтыны. Шаермы понна, кылсярысь, туж интыяз луысал инкуазез утён удысъя ужась партия, лыдъя быръёнъёсты чаклась.