Анай кыллэн калыкуспо нуналэзлы сӥзем ужрадъёс шаерамы азьланьтӥсько.
Удмурт кун универистетын таиз арня троскыллолыклы сӥземын. Нуналлы быдэ пӧртэм кылъёсъя мастер-классъёс, ужрадъёс, лекциос ортчо. Отчы пыриськисьёс кыл дышетон туала амалъёсын тодматско. Арлы быдэ та ужрадэ аслаз проектъёсыныз пыриське удмурт филология, финно-угроведениея но журналистикая институт но. Та арня улсын ужась одӥгез ӵектоссы туэ кыкетӥзэ ни шор ёзо ӧнер сётись дышетсконниосысь егитъёсты - вуоно дышетӥсьёсты - огинэ люкалоз. «Кылвуко» конкурсын котькудӥз удмурт кыллы дышетон туала амалъёсыныз тодматоз.
Вирнуналэ ик йылпумъянъёс лэсьтозы «Наукае нырысетӥ вамышъёсы» конкурслы. Со сӥзьылысен мынэ ни. Вера радъясьёс пӧлысь одӥгез, кылосбур тодосъя кандидат Елена Булычева.