Соос улсын быдэс толэзь ӵоже карысь пӧртэм интыосын удмурт лулчеберетлы но историлы сӥзем ужрадъёс ортчылӥзы. Уйпал шоркарын улӥсьёс тодматскыны быгатӥзы Лудорвай музей-заповедниклэн «Кышнопал» адӟытонэныз, чебер киужъёсъя центрын удмурт чеберъяськонъёсты лэсьтонъя мастер-классъёс радъяськизы, дышетӥсьёсты дасянъя институтын удмурт кыллы сӥзем арня ортчиз. Тунсыко но пайдаё пумиськонъёс вал школаосын но. Удмурт культуралы сизём толэзь кырзанъя «Удмурт гуръёс» конкурсэн йылпумъяськиз. Со сярысь ивортиз «Удмурт кенеш» огазеяськонлэн Глазов ёросысь ёзэзлэн кивалтӥсезлэн воштӥсез, калыкъёслэн эшъяськонъя юртысьтызы ӧнерчи Антонида Бёрдова.