Гурт ваньбур поттӥсьлы саклык. Кызьы пусйиз Россилэн премьер-министрез Дмитрий Медведев, Кивалтэт агропром огъетэз азинтонъя трос аръёслы чаклам воштонъёс дася. Выль ужкагазъя, кылсярысь, теплицаын бакча сиён будэтонлы, пудо вордонлы субсидиос йылэтэмын луыны быгатозы. Мукет ужпум — поттэм ваньбурез вузан. Элькунамы берло дыре гуртоосын будэтэм картошкаез, бакча сиёнъёсты басьтӥсь но соин вузкарись логистикая центр кылдытон сярысь ӵектонъёс чузъясько. Со улсын огдыре кӧня ке ужпумъёс сэрттӥськысалзы-пертчиськысалзы. Нырысь ик, гуртоослэн картошка, бакча сиён будэтыны мылкыдзы ӝутскысал. Соку кунгож сьӧрысь сиён-юон вайылонлэн кулэлыкез ӧй луысал ни. Ӧнерчиос чакламъя, со быдэстымон. Югдурен но ужпумез сэрттон-пертчон ласянь нуиськись ужъёсын тодмасткиз Юргис Алексеев.