Элькун бюджетысь 8 миллион манетлэсь трос уксё висъямын ёросъёсын мерлыко интыос лэсьтыны. Тужгес бадӟым коньдон - быдэн кык миллион манет сётэмын Алнаш ёросысь Трокай Борисов нимо йӧскалык культурая центрез но Сьӧлта черкогуртысь «Родина-мать» мемориал котырез выльдыны. 12 поселениослы сётэм коньдон пӧлысь витез Дэбес ёросэ кошкиз. Дэбес ёросысь 5 муниципал кылдытэтъёс быдэн 100 сюрс манет грант басьтӥзы. Со уксё нылпиослы шудон площадка лэсьтыны кутӥськоз. Шутэтскон нуналъёсы площадказэс интыялозы ни Дэбес ёросысь Зар-Медло гуртын. Вера муниципал кылдытэтлэн тӧроез Сергей Косарев.