Та юан туннэ сюлмаськытэ кун тӧрлыкъёсты. Уго, чорыг, куд-ог мукет сиён-юонъёсын ӵош кунгож сьӧрысь вайыны лэзьымтэ списоке пыртэмын. Кемалась ӧвӧл чорыг будэтон сярысь вераськон мынӥз Россиысь Госсоветлэн президиумезлэн кенешоназ. Куд-ог ӧнерчиослэн чакламзыя, кунамы будэтэм чорыгмы тырмыт луоз ог 15 ар ортчыса гинэ. Таин соглаш ӧвӧл Вотка ёросысь чорыг вордонъя «Пихтовка» возёслэн кивалтӥсез Георгий Крылов. Соослэн карп будэтон технологизы туннэ быдэс кунамы тужгес устоез.